لا لتأجيل الإنتخابات

اقترحت يوم الأحد الهيئة العليا  "المستقلة" للانتخابات تاجيل انتخابات المجلس الوطني التاسيسي لنهار 16 اكتوبر في عوض 24 جويلية،وقال رئيس الهيئة كمال الجندوبي إلي وضع تونس الحالي ميسمحش باش نعملوا إنتخابات نهار 24

جويلية وزاد قال إلي المكاتب الجهوية وفروعها مازالوا محاذروش  لذا لازم الإنتخابات تتأجل.ومن جهة أخرى الناس قامت وقعدت خاصة على فايسبوك بين موافق ورافض للتأجيل.الرافضين قلك يزينا من ألاعيب السبسي وتكعرير متاعو

والموافقين قالوا الأحزاب مازالت مكونتش روحهم و بلاد مش راكحا.يبقى حاليا الأمر في يد الحكومة هي إلي باش ترفض أو توافق على إقتراح الهيئة العليا للإنتخابات.أما من رايي الشخصي إذا تأجلت الإنتخابات على ثورة السلام خاطر عند إقتناع كبير إلي رموز الفساد باش ياخذوا راحتهم خاصة في حرقان أوراق ادانتهم ويخرجونا نظاف،والاهم من هذا هي الأحزاب التجمعية (حزب المبادرة،حزب الوطنء،حزب آفاق تونس،حزب المستقبل،حزب العدالة و الحرية،حزب الوفاق الجمهوري،حزب أحرار تونس،الاتحاد الشعبي الجمهوري،حزب الاستقلال من أجل الحرية،حركة الكرامة و الديمقراطية،الحزب الليبيرالي المغاربي)إلي لتوى 

منجمتش تخدم على راحتها وتقوم بالتعبئة خاطر وين تنوي باش تعمل مؤتمر في منطقة يطردوها حتى هذوكم في صالحهم إنو 

الإنتخابات تتأجل لكن هذا ماهوش في مصلحة تونس .الحاصل لازم اناس الكل تقف ضد تأجيل الإنتخابات وكل مواطن مسؤول قدام 

تونس على شفافية الإنتخابات.وبله متمعش كلام لاحزاب خستألحذب الضعيفة كي يصولولكم الإنتخابات لازم تتأجل خطر هذوكم 

يحبوا كان على مصلحتهم مش على مصلحة تونس ومصلحة شعبها.

وسلام.