سليم عمامو ما إستقالش.

إليوم صباح طلع خبر على صفحة اكسبرس فم متع إستقالة سليم عمامو من الحكومة وصرح إلي ثمة حكومة ضل تحكم فالبلاد.باهي أن بصراحة تصدمت كي سمعت لخبر خاطر تحبو ولا تكره سليم عمامو هو إلي كان يحمي فالادمن متع باجات الفايسبوك والمدونين مل حاكم وإدخل بصفة غير مباشرة برشة مرات وخرج مدونين مل حبس فيهم حتى إلي من غير مايعلم و أن قلت بعد الإستقالة الحاكم هاتو يودى يلمد على بعضو .كيما قلتلكم هبط لخبر متع الإستقالة على باج فايسبوك أنا حبيت ناخذ معلومات أكثر ياخي دخلت للموقع متع راديو اكسبرس فم نلقى المقابلة مع سليم عمامو وإلياس غربي بديت نسمع فاها نلقى شي مخالف للشي إلي هبط فالباج سمعت الحوار  ونلقى سليم عمامو حكى على نية متاعو فالإستقالة مش إستقال فعلا وزاد قال هذا كان مأقلوهش هوما.زيد مشيت للكونت تويتر متاعو نلقاه يسخط وعلى اكسبرس فم ويذم فيهم أول حاجة على الإشاعة إلي طلعوها وثاني حاجة عل كلام إلي قولهولو 3la حكومة الظل وهذي تصوير ملقنة متاعو أقراو شنوا 

قال

وحكى زادة على حجب الباجاة فايسبوك إلي تعمل بأمر مل محكمة العسكرية وإلي بين إلي هو مش موافق عليه الحجب وحكى زادة على مواقفو من برشة حاجات كيما تصريح الشهير متع الزطلة وزادة موقف من حزب القراصنة.