تونس ضحية لمخطط مارشال.

السلام عليكم  .

 ثمة برشة فيكم فرحانين بالقروض إلي تعطي فيهم الدول الغربية لتونس  كما أمريكا وفرنسا إلي بلعون بالديون واخرتها البارح قرض ب-500 مليار دولار بتعلة مساندة الثورة التونسية والإقتصاد التونسي إلي حسب مايقول هوما بارك.أما الحاجة إلي ميعرفهش برشة هي إنو الفسس والدين إلي صعدن يعطونا فاها ماهياش على سواد عنينا ولا خاطر عملنا ثورة لا هذاك الكل داخل في مشروع ومخطط أمريكا تخدم به عندها سنين إلي هو "مخطط مارشال"،باهي احنا نرجع للتاريخ ونحاول نفسرلكم كيفاش توجد المخطط هذا وشنية الأسباب.

مخطط أو مشروع مارشال تسمى على الجنرال "جورج مارشال"  

رئيس هيئة أركان الجيش الأميركي في الحرب العالمية الثانية،مخطط طلع به سي جورج عام 1947 بعد موفات الحرب العالمية الثانية وقتها الدول الأوروبية بما فيهم اليابان خرجوا علحديدة فرانك لا دورو لا وبلاد كاملة مدمرة وبطبيعة لازمهم فلوس  و رأس مال بش يعاود يبنوا ومدام أمريكا هي وقتها دولة كبيرة إقتصاديا سلفتهم فلوس وبطبيعة زادة هوما مش على سواد عينهم ولا خاطر خارجين من حرب خاطر أمريكا متهمهاش المساعدات الإنسانية  أكثر ملي تهمها مصلحتها،إلي هي تتجسد فالسيطرة على دول هاذي معناها تفرض عليهم الرغبة متاعها  كيما فرضتها على الدول  الأوروبية باش تدخل لحلف الشمال اطلسي.

هذا كان ملخص للمخطط مارشال إلي اطبق 50 سنة التالي وإليوم قاعد يطبق على تونس .كان تذكروا الكل زيارة فيلتمان لتونس وكي تقابل مع الغنوشي صححوا على مخطط مارشال في تعتيم إعلامي كلي بتعلة باش يعاوننا فالمرحلة انتقالية أما يقول القايل كان يحبو يعاونونا ماهو  ينقصنا مل ديون إلي خلاه الكازي وجماعتو مش يزيدوا يبلعون بالديون وأنا متأكد إلي القروض هذي الكلها باش تمثل ضغط عل حكومة هذي والحكومات الجايين باش أمريكا تخدم مصلحتها وديمة تكون مسيطرة على تونس خاطر ميسعدهاش أمريكا ولا أي دولة متقدمة أخرى تقوملهم دولة مل عالم الثالث وتبني دولة ديمقراطية 

جديدة.مخطط مارشال هو وجه جديد ملإستعمار ونخليكم تكملوا تتفرجوا فالفيديو  لعل تفهموا أكثر.