البارح بصراحة فيلم هوليوودي بطولة وزارة الداخلية بالإشتراك مع القناة اللوطنية.الاحداث إلي صارت البارح في معتمدية الروحانية إلي قالوا علاها من عمايل القاعدة فالمغرب العربي.أما أنا بصراحة مدخلتش المخي لحكاية خاصة كي سمعت الطرف الكل إلي كنت موجودة غادي وهاني بش نحاول نفسرلكم كيفاش لحكاية طلعت تبلعيط ومركبة.
ملاحظة: "اعظاء القاعدة عمرهم في حياتهم ميركبو في نقل عمومي إلا في حالة وحدة وقتلي يبدا بش يفجر روحو "فاها وأنا منذنش إلي هوما بش يفجروا رواحهم في لواج تهز 5 من من ناس.
باهي نتعداو كيما قلت الإرهابيين هربوا وخرجوا مل بلاد والجيش يحصل فيهم وقتلهم الزوز واستشهدوا 3 ملجيش وهوما - الشهيد طاهر العياري برتبة مقدم - الشهيد صغير مباركي برتبة عريف - الشهيد وليد الحاجي برتبة رقيب أول(الله يرحمهم).ومن خدي بدات لحكاية عاد وسائل العلم الكلها بدات تبلع فيه للقاعدة من غير ميتعمل حتى تحقيق أو تثبت فالهوية متاعهم.ال حاجة لخرى إلي وقفتلي مخي هي القناة اللوطنية كي قلت ثمة عنصر إرهابي ثالث هرب (الله أعلم منين جا الثالث) وحاطين تصوير متاعو وعاطين اسمو وينبهوا فالناس (مسلح وخطير).أنا حبيت نزيد نثبت خاطر الصباح لومور دخل بعضها وكل واحد يحكي في حكاية.كلمة واحد من سليانة قال الثالث إلي يحكوا عليه مثمش منو جملا ثمة كان زز بركة ارهابيين وتقتلوا إزوز.وأنا سألت ناس اخرين قالولي نفس لحكاية.
أما بعد لقيت وثيقة علسيد إلي قالوا هرب طلع كان مشدود عندهم فالداخلية من قبل وموجود في القائمة متع الجمعية الدولية لمساندة المساجين السياسين متع عام 2003 و هذا الرابط بش تزيدوا تثبتوا .(ملا صدفة).
أما علاش وزارة الداخلية ماقلتش إلي هو كان مشدود عندهم وتوا مسيب وعلاش معتطش معلومات كاملة عليه وعلاش عطونا تصوير تقول وخذينها من مسلسل "الكواسر"،علاش محطوش تصويرة بطاقة التعريف متاعو مثلا.
بصراحة حكاية ماهياش لوجيك حتى طرف وباين ملعوب أما الحاجة الوحدة إلي تبقى غامضة هي شكون المستفيد وشكون الضحية مل فيلم هذا إلي خسرنا في جرتو أولاد بلادنا ملجيش.
أما أنا مقتنع بحاجة وحدة ثمة ناس ومل واضح انهم الحكومة إلي راكش في ضل تحب تأجل الإنتخابات وترجعنا لعصر الظلمات أما وراس لحنينة لكم بش تصل وين تحبو.
وإنت يو وزارة الطفارة(الداخلية)ويا القناة اللوطانية يزونة بلا أفلام ولغة بعبص كبار هذي معادش تمشي معانى ومدمكم فلحين في تحقيقات وشدان جماعة القاعدة إلي دوخوا لامريكان تعمل مزية تفهموا على نهار توجه فيه مجهوداتكم ال كبيرة وتشدونا القناصة إلي قتلونا ولادنا
لقيتلكم الفيدو هذي تفرجوا فها هاتو تفهموا علاش إعلام الزفت متاعنا مركز علقاعدة والإرهاب
وسلام عليكم .
belekchi 9atlouh fi ede5elia wa twa elabsouhelou demain tesma3 bih 9atlouh fi blasa O5ra. bravo de5elia
RépondreSupprimer